MOZIY BILAN TILLASHGAN ZAMIN
Abstract
Dunyo madaniy turizmining poytaxti sanalmish Samarqand shahriga ilk bor tashrif buyurayotgan sayyohlar, dastlab, shaharning qadimiy inshootlari va serjilo me’morchilik namunalari bilan tanishib chiqishlari lozim. Shahar ko‘chalari bo‘ylab sayr qilar, hozirga qadar o‘z mahobati-yu jilokorligini saqlab qolgan qadamjolar mahobatiga ko‘z tashlar ekansiz, o‘rta asrlarda mazkur shaharning naqadar rivojlanganini hamda sharq tamadduniga beshik vazifasini bajara olganini his etasiz. Ko‘hna va boqiy Samarqand bugungi kunda ham o‘zining boy tarixi, takrorlanmas osori-atiqalari, beqiyos hunarmandchilik hamda me’morchilik namunalari bilan jahon hamjamiyatini lol qoldirmoqda. Quyida, albatta, borib, ko‘rishingiz shart bo‘lgan qadamjolar xususidagi ma’lumotlarni baham ko‘ramiz.
