YOSHLAR O’RTASIDAGI NOADABIY QATLAMGA DOIR SO’ZLAR”

Abstract

Annotatsiya: Til – bu bizni, o’zimizni, o’zligimizni, o’zbekligimizni anglatadi. Til borki, millat bor. Shu sababli har bir millat va elat o’z tilining saqlanishi uchun kelajak avlodlarga bilimlarini va ko’nikmalarini berib boradi. Til turli xil xalq va millatlarni birlashtiradi. Shu o’rinda buyuk mutafakkir A.Avloniy: “Har bir millatning dunyoda borlig’ini ko’rsadurg’on oyinayi hayoti til va adabiyotdir. Milliy tilni yo’qotmak millatning tilini yo’qotmakdur”,- deganlar. Bundan ma’lum bo’ladiki, Avloniy ona tili haqida qayg’urib, milliy tilini saqlashga harakat qilgan va ular buning uddasidan chiqadi. Demak, otameros hisoblangan tilni asrab-avaylash esa yosh avlodlarga bog’liq. “Guruch kurmaksiz bo’lmaydi” deganlaridek, hozirgi kun yoshlari o’zlari aytayotgan so’zning tag ma’nosini bilmasa-da, ko’plab chet tilidan kirib kelgan so’zlardan foydalanmoqdalar. Shuni oldini olgan holda o’zbek tili rivoji yo’lidagi islohotlar kun sayin ortib bormoqda. Bugungi kunda barcha davlat idoralarida ish qog’ozlari davlat tilida olib boriladi. Shundan kelib chiqib mamlakat hududida yashayotgan har bir fuqaro adabiy til normalariga amal qilishi shart.