ПРОФИЛАКТИКИ ИНСПЕКТОРИНИНГ ВОЯГА ЕТМАГАНЛАРГА САЛБИЙ ТАЬСИР КУРСАТУВЧИ ИЖТИМОИЙ ИЛЛАТЛАРНИНГ ОЛДИНИ ОЛИШ ФАОЛИЯТИНИ ТАКОМИЛЛАШТИРИШ

Abstract

Ҳар бир жамиятда вояга етмаганлар ҳар бир давлатнинг келажагини, салоҳиятини белгиловчи муҳим ижтимоий қатлам саналади. Зеро, ҳар бир жамиятнинг ҳолати, тақдири ва истиқболи унда яшаётган вояга етмаганларнинг салмоғи, маънавияти ва онглилиги даражаси билан белгиланиши шубҳасиз. Бу халқимизда «Нима эксанг шуни ўрасан” қабилидаги мақолнинг мантиқий ифодаси сифатида талқин этилиши ҳам бежиз эмас. Вояга етмаганлар жамиятнинг эртанги келажаги, унинг фаол аъзоси, таъбир жоиз бўлса жамият эртасининг муносиб ворисларидир. Мазкур нуқтаи назарга кўра ҳам вояга етмаганлар давлат ва жамият томонидан доимий эътибор талаб этадиган ижтимоий қатламдир.